Premier League champion tum Liverpool in a zawna vawi li na atan league hnehna an chang a. Manchester City nen an inkar ti zimin 1-0 in Burnley an hneh.
Pathianni zan Turf Moor a inkhelah hian thli leh ruah a tam a. Liverpool tan Fabinho chuan inkhel a goal awmchhun a khung a. Inkhel hautakah hnehna pawimawh an chang.
Champion zia neitu Reds
Burnley in Premier League a inhamtan tumin theihtawp an chhuah a. Thih tha a \ang an nih avangin chance \ha pawh an nei nual. An inkhelhna boruak in a zir loh bawk avangin team pahnih tan thil a awlsam lova, mikhual team in an game mawi khelh an harsat.
Josh Brownhill leh January a lakluh thar Wout Weghorst ten goal khungna hun\ha an neih an chhawr thei lova. Liverpool pawhin chance an neih tam loh karah corner a\anga ball kal zel chu midfielder rinrawl Fabinho-a’n mnute 40-naah goal-ah a khung.
Second half-ah substitute Diogo Jota chuan khung belhna hun nei mahse a thei bik lova. Chak a harsatna inkhelah Liverpool in an khelh \hat ni lovah pawh hnehna an sualchhuak a. Hmahruaitu Manchester City lakah point 9 in la hniam mahse a tawp thleng an um dawn tih hriattirna turin result an nei a. Reds hi khelh khatin an la khel tlem bawk.
Rinrawlte an lo kir
Liverpool in Africa Cup of Nations avangin an tlarhma a an rinrawlte an chhawr thei lo rei a, mahse Sadio Mane leh Mohamed Salah te bul an \an tir leh theih zanah an tum angin football an khel thei lo.
Amaherawhchu an team tana mi pawimawh Fabinho bawkin danglamna a siam a. Trent Alexander-Arnold corner pet a\ang Sadio Mane ball thai chu goal-ah a pet a, goal line-ah dan nimahsela a khung zui ta tho. Fabinho hi Mane leh Salah awm loh laia Liverpool chakna hnar niin inelna hrang hranga a match hnuhnung pasarih a\ang goal nga a khungna a ni.
“Tawlhthlu thei kan ni”
Liverpool manager Jurgen Klopp-a chuan inkhel a hautak tih a sawi a, “Engkim kha kan tana chetsual theihna vek a ni. Thli a nat avangin ball kangah a harsa a, mahse harsatna awm theite kha tuar lovin kan su tlang zel thei.”
“An chance neihte kha offside tam mahse an khel\ha tih a chiang. Theihna sang nei an ni a, amaherawhchu kan veng \ha viau in ka hria. Kan thawhrim a ngai a, chutiang tak chuan kan khel. Helaia inkhelh hautakzia hi ka hria a, chuvangin kan result-ah ka lawm hle.” a ti.
Vawi khat chiah hnehna la chang Burnley boss Sean Dyche chuan, “Team \ha berte zing ami lakah kan khel\ha a, kan chance neihte kan chhawr lo leh \hin. Kan inkhelah ka lungawi a, a chang hi chuan table lam ngaihtuah lova thil kan thlir a ngai \hin. Kan inkhel kha hmalam kan panna tura kan insiam\hatna bul \hut ni thei tur khawpin a \ha.” tiin a sawi ve bawk.
Magpies an harh, mahse an lawm a kim lo
Premier League club hausa Newcastle United in relegation zone an hlat hret hret zel a, Aston Villa lakah 1-0 in hnehna an chang.
An tana chanchin lawmawm lo awm erawh St. James’ Park-a an chak chhan ber freekick khungtu Kieran Trippier inhliam a ni.
Calum Chambers chuan minute 35-naah Joe Willock ti tlu in penalty a chawi a, video assistant referee hmanga ennawn a nih hnuah freekick zawk pek niin Trippier-a’n goal-ah a khung a. Match hnih a\ang freekick vawi hnih a khung.
Villa in second half-ah Ollie Watkins hmangin goal khung mahse VAR hmanga endik a nihin a ke a offside avangin pawm a ni lo.
Magpies in halftime dawnah Javi Manquillo chu inhliam avangin an chan a. Second half \an hnu lawkah Trippier pawh lakchhuah a ngai.
England international hi January thla a Pound maktaduai 12 a Magpies in an lakluh a ni a. Inkhelah hian a ke phah an rah avangin a khelh zawm thei lo.
Thawh\anni khan a hliam hi enfiah nghal niin a ke phah ruh a tliak tih hmuhchhuah a ni a. A club chuan a hliam hi puangzar mahse a chawlh hunchhung tur erawh an sawi lova. A lo berah kar ruk erawh chawlh a ngai tura rin a ni.
Spurs leh Foxes
chak zo lo
Top four chuhtu zing ami Tottenham Hotspur an chesual leh a. A zawna Premier League a vawi thum an tlawmna ni turin Wolverhampton Wanderers in 2-0 in an hneh.
Tottenham Hotspur Stadium-ah Wolves tan Raul Jimenez leh Leander Dendoncker ten minute 6-na leh 18-naah goal an khung a. Wolves hi pasarihnaah inhlangkaiin Spurs pariatnaah an tla thla.
Beisei anga season hmang lo Leicester City pawhin insiam\hat an tum chungin point an hloh leh a. 2-2 in West Ham United nen an inhnehtawk.
Foxes in Youri Tielemans leh Ricardo Pereira te hmangin Jarrod Bowen goal khung chhanglet mahse huntawp dawnah Hammers tan Craig Dawson chuan an si phurh sutna a tauh lut a. Arsenal chungah awmin point khatin an la sang zawk.