Pakistan-ah mipuiin Koran haltua puh sawisa hlum


Pakistan ram lailia mi pakhat chu Islam sakhaw lehkhabu thianghlim, Koran a hal nia puh avangin mipuiin an sawisa hlum tih police chuan an sawi a, tun hi sakhaw tihbawrhban kaihhnawiha hetiang thil thleng tharlam ber a ni.
Police chuan Inrinnia Khanewal district, Punjab province-a thil thlengah hian mi 80 an man tih an sawi.
Sawi dan thenkhatah chuan police custody-a a awm laiin mipui hian an pawt chhuak a. A ruang hi a chhungte hnenah hlanin Pathianni khan vui a ni.
Pakistan Prime Minister Imran Khan chuan he thil thleng hi ‘dan bawhchhiatna lian tak’ nia sawiin police officer-te chu mi an hum zawh loh avangin a dem thu a sawi bawk.
A sorkar chuan mi tumahin anmahni duhthua dan an lo siam chawp ve ngawt chu an pawm lo tih a sawi.
Police hotu, Munawar Hussain chuan officer-ten thil thlenna hmun an thlen chuan kum 40 bawr vel mipa hi nikhua a lo hre lo va, thingah an lo thlung bet niin a sawi a. Khanewal hi Lahore chhimthlang lam km 275 vela hla a ni.
“Khaw mite hi tiang, hrei leh iron rod nena chein an that a, thingah an tawn a ni,” tiin Hussain-a chuan Reuters news agency a hrilh.
Thil thlenna khua, Tulumba-a police station chief Munawar Gujjar chuan AP news agency hnenah an mi sawisak hlum hi kum 15 vel liam ta atanga rilru lama chian lohna nei niin a sawi.
Thla hnih liam ta maiah khan Punjab province thova Sialkot khawpuia Sri Lankan factory manager chu Islam sakhua tibawrhbanga puh avangin mipuiin an sawisa hlum tawh bawk.
Pakistan-a blasphemy law an tih chuan Islam tibawrhbang chu thih tura hrem theih a ni a; mahse, he dan sawiseltute chuan dan tlawhchhan hian sakhaw zuitu tlem zawkte chu dik lo taka tihhlum nan an hmang thin niin an sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427