Super Bowl halftime show-a an thlawh tûk maiah kum 1999 daih tawha an hla hit, ‘Still D.R.E” chuan YouTube-ah one billion view a kai ta. Dr. Dre leh Snoop Dogg tan mel lung pawimawh a tling chiang.
Super Bowl halftime show an hlawkpui tel ve tho a tih loh theih loh. Show neih zawh tâk kha Rolling Stone magazine chuan, ‘Show ropui ber zingami’ a ti hial.
Kum 1999- a Dr. Dre debut, ‘2001’ album kha hip-hop album tihchhuah tawha hralh kal ber zinga tel pha a ni a, US Billboard 200-ah No. 2 a nihpui nghal thei. Kum 18 chhunga Dre tan studio album pahnihna a ni a, 2015 khan ‘Crompton’ album tichhuak lehin, a rehzui nghal hle.
‘2001’ album-ah hian hla hit dang, ‘Forgot About Dre’ a tel a, Emi-nem-a themthiamna leh rilzia pholanna ni telin, a talent pui tak ngaihthak theih a ni a, Dre tan pawh malsawmna a tling.
A hnu thla tam vak lovah ‘The Real Slim Shady’ tia hriatlar Eminem hian ‘2001’ album hit hnu ah rapper hralh kal leh hralh tla ber ni turin rimawi khawvelah a dingchhuak ta ni.