EDITORIAL 17/2/22


Ramria duty te ngaihsak an ngai

NGO Co-ordination Committee (NGOCC) thukhawm chuan ramria duty te mamawh hrang hrang sorkar-ah thlen an rel a, hei hi tunhnaia ramri duty te an tlawhchhuahna atanga an mamawh nia an hriat an sawi hrang hrangte atanga an ngaihtuah a ni.
Police duty-ten solar plate, tui leh inkalpawhna atan lirthei an mamawh thu thutkhawmah hian sawi chhuah niin police duty-te mamawh hrang hrang hi sorkarah thlen turin ruahmanna an siam. Jt NGO thukhawm chuan ramria venhim hnathawk mektu police-te hun remchang hmasa bera tlawh chhuak vek turin ruahmanna an siam bawk a, sorkar hian ramri venghimtute hi a ngaihtuah tawk lo hle tih a lang a, ngaihtuah ngai tak an ni reng bawk.
NGOCC a tel pawl thenkhat hruaitute sawi dan phei chuan kan sorkar hrawn mek hian ramri duty te hi a ngaihsak tawk lo hle mai a, kan home minister ber lah hi a ngawi thei vang vang bawk nen, tuna an mamawh hrang hrang tlawmngai pawlten thlensak an tum pawh hi tihhlawhtlinsak nghal thuai thei se la a va tha em.
Heng bakah hian tlawmngai pawlte hian budget hrang hrangin ruahmanin YMA, MUP, MZP & MSU te Rs 20000 theuh leh MHIP te Rs 10,000 tuksak an ni bawk a, hengte hi a tul anga hman an tum bawk niin an sawi. Sorkar sum tel miah lova an hmalak chhoh tum dan hi a fakawm a, an theih baka sorkar a thlen an tum pawh hi ngaih pawimawh niin, tihhlawhtlinsak thuai ni se la, sorkar hian ramri venghimtute hi ngaihsakin, an mamawh hrang hrangte hi a tul angin supply kawngah zam tha mawlh bawk teh se.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427