TECH TONIC
OnePlus Nord CE 2 Lite 5G
Khai le. April 4 a tlangzarh tura buaipui mek OnePlus Nord CE 2 Lite 5G hian refresh rate 90hz awmna 6.59-inch Full HD+display (1080×2400 pixels resolution) a nei dawn. Qualcomm Snapdragon 695 hmanga thuam 6/GB RAM, 128GB storage vuah a ni bawk ang.
Camera bikah chuan triple camera setup pangngai tak hmuh tur a awm a, hetah hian 64-megapixel primary ca-mera, 2-megapixel mono lens leh 2-megapixel macro lens hi a tawk viau mai. Hmalamah 16-megapixel camera tha tak a awm a, selifie leh video call uar deuh tan a fuh hle ang.
OnePlus Nord CE 2 Lite hian 5000mAh battery, 33W fast charging a nei a, charge full pap tawh chuan darkar 24 chhung na na chu thlamuang taka hman theih a ni dawn e.
Android 11 on top/Oxygen OS11-a run a ni bawk a, side mounted fingerprint sensor te theng pawh hian i hahdampui dawn. I rilru-a lo langleh thin- 3.5mm jack a awm em, i tih mek chhanna chu, ‘awm e’ tih a ni e.
Connectivity-ah chuan Wi-Fi, 5G, Bluetooth 5.1, 4G VoLTE, USB OTG leh GPS (GLONASS) a nei thlap. Rs 17,999 vela buai lo tan a nghahhlelh-awm khawp ang le.