Congress chuan Zirtawpni khan February 20-a Punjab assembly inthlan lo awm tur atanan manifesto an tlangzarh a. An intiam zingah hmeichhiate hnena thla tin Rs. 1,100 pek te, kum khat ei rawngbawlna gas bur riat a thlawna sem te leh sorkar hna nuai khat siam te a tel.
State-a sorkarna chelh lai party hian zu hralh leh sand mining lam buaipui tur corporation siama mafia raj an tihte hnawh bo an tiam bawk.
Chanchinbumite hmaah state party chief Navjot Singh Sidhu chuan an party-in thuneihna an chang zui leh a nih phawt chuan lo neitute chu oilseed, be leh vaimim chi an pek dawn thu a sawi bawk.
Congress manifesto hian an manifesto hi assembly inthlan tur atana campaign theih hun a tawp ni-ah chiah an tichhuak a ni.
Sidhu chuan an party-in agenda 13 an neihte chu an hruaitu, Rahul Gandhi-a duh dan leh hmathlir tihhlawhtlinna tur a nih thu a sawi bawk.
Sidhu-a chuan Congress-in an state-ah thuneihna an chang chhunzawm leh a nih phawt chuan sorkar hna nuai khat an siam nghal tur thu a sawi.
Chhungpuinute chu thla tin Rs. 1,100 pein an chawm ang a, an ei rawngbawlna turin kum tin gas bur riat an pe dawn bawk tih a sawi.