Ngaihdan: Nupa nun hlawhtlinna thuruk hi vanneihna leh inngaihzawnna boruak a ni
A dik zawk: Vanneihna leh hmangaihna piah lam thil daih a ni a. Nupa nun hlawhtlinna hi hun inpek dan a zir te, a hlawhtlin theihna tur atana nasa taka tha thawhna te a ni thei. Nupa inkawprem kan tihte hi thiantha tak inkara an duhzawngte, an mamawhte inhriatpui tawna, hun leh ni chhiar tumte hi an ni tlangpui.
Ngaihdan: Hmeichhia- a zir san (lehkha thiam) poh leh pasal neih chungchangah a tlahniam nghal hle thin
A dik zawk: Tunhnaia zirchianna te’n an tarlan dan atang chuan he ngaihdan hi a dik chiah lo. Pasal an neih laia an kum zat hi tam deuh hlek mah se, pasal neih an harsa viau anga sawi thin hi chu pawm fel thlap a harsa hle.
Ngaihdan: Inneih hmâa lo awmdun tawhte hi inneih hmaa inchulnel lo te aiin nupa kawprem tak an ni duh
A dik zawk: Mak tak maiin, mithiamte chuan inneih hmaa lo awm dun tawhte hi an han inneih tak tak hnu hian inthen an awlsam, an ti tlat mai. Inthen hlau ang rengin fimkhur takin an khawsa a, mahni leh mahni insiamrem an harsat hle thin. Hei vang hian, eng emaw harsatna a lo awmin an beidawng nghal mai thin a ni. Inpuihtawnna leh thutlukna siam chungchangah pawh an in backup tha tawk lo fo.
Ngaihdan: Tunlai khawvel hun hi a hmanhmawh em vangin hmanlai angin rei tak inneih hi thil awl-ai a ni tawh lo.
A dik zawk:
Kum 50 pelh tawh hi chuan inthen hi a awm lo ang tluk a tihtheih hial a, vawiin hun angah hi chuan inthen zaa 50 vel hi kum 7 an inkawl hnu-a inban an ni tlangpui. ‘Thihna chauh lo chuan min \hen suh se’ tia thinlung leh tih tak zeta intiamte karah hi chuan inthen mai maina hian ro a rel hlei thei lo a ni ber.
Ngaihdan: Inneihna hian hmei-chhiate hi inchhung khura tihnawmnah leh tihrehawm ni turin a hnuk lut thin
A dik zawk: Hei hi ni thei anga lang, mahse ngaihdan hlauh-awm leh a tih a tih chi loh thil atthlak tak a ni. Inneih vang mai hian hmeichhiate hi a betah an tang chhuak zak tur tihna a ni reng reng lova, pasal nei si lova, mipa dang (pianpui unau) te nena inhmuh thiam lohna leh eng emaw harsatna zawk hi a thleng duh hle zawk nia hriat a ni. Inneih tawh hi chuan mipa te hian an nupuite hlimna tur leh thatna tur an ngaihtuah nasat em avangin hetiang lama harsatna hi a awm tam lo tura ngaih a ni.
Ngaihdan: Nupui/pasal nei te hian nupa nunah hlimna an hmu tlem hle a, mahni chauha awm (single) te hian a hlawkna an tel zawk
A dik zawk: A percent (%) anga chhut chuan- nupui /pasal neite hian tisa leh rilru-ah hlawkna an ngah zawk a, nupui/pasal nei lo te aiin, nupa nunah ah pawh duhthusam an hmu zawk thin.
Ngaihdan: Inneih hlimlohna hi inthennain a zui nasat thin vangin innei te hi nupa kawpchawi leh hlim tak an ni thin
A dik zawk: Zirchianna thar berin a tarlan danin, inneihina a kentel hlimna hrang hrang hi a ni telin a tla-hniam hret hret zel a. Hei hi mihring nunphung a lo harsat chhoh zel vang leh rilruhahna te, innghirnghona te, social media leh nitina kan thil tawn thin tam tak zel vangte hian nupa nunah a nghawng hi tun hma zawng ai khan a tam zawk tawh, tih a ni.