Chief Minister Zoramthanga’n Mizoram State Day 2022 pualin Zoram mipuite duhsakna a hlan.
Nimin kha state puitlinga Mizoram puan a nih champha vawi 35-na a ni a. State Day pualin chief minister chuan thuchah sawiin, “He ni ropui tak, Mizoram state piancham kum 35-na hi Zoram mipui zawng zawng tan hlimna leh malsawmna a nih theih nan chibai ka buk che u a, in vai tan duhsakna hlan a che u,” a ti.
“Kum 1986-ah Mizoramin inremna kan nei a. A kum leh, kum 1987-ah state kan nei ta a. Vawiin ni ang, February 20, 1987-ah Mizoram chu state-ah puan kan ni a. Chu chauh chu ni loin, special protection neiin state putling takah kan lo chang ta a ni. Vawiin hi a cham 35-na a tling ta a, state pawh a lo upa ta hle,” tiin lawmawm a tih thu a sawi.
Chief minister hian Mizoram State Day-ah prime minister atanga union minister leh thian dangte hnen atanga duhsakna thu dawn a nih thu a sawi bawk.
Kumin Mizoram State Day hi Pathianni a nih avangin he ni puala sorkar function neiha thil dang tih a rem lo tih sawiin, “Amaherawhchu, kan awm hmun theuhvah kan State Day hi Zoram mipuite in vaia tha taka in hman ka duhsak che u a ni,” tiin thuchah a sawi a ni.