A pa leh nau hmeichhia lak ah indo a puang ta

A hringnun zinkawng leh a chhungte chanchin tarlan fai kalhna tur a chanchin ziahna lehkhabu tichhuak turin Britney Spears a inpeih ta nia sawi a ni a, khawvel a barakhaih nasa dawn.
Media hrang hrang tarlan danin, kum 13 chhungzet a nun leh sum pai thilah te thlenga thuneihna chhete mah a neih loh dan te chiang fek fawkin a tarlan ngei rin a ni a, a zalen veleha a chhungte lakah a lungawi loh dan te leh a beihlet chiamna te thlengin a ngaihnawm dawn.
He lehkhabu ziak tur hian publisher lar Simon & Shuster an rawn inhung chhuak tawh a, Britney nen an inremna hi $Maktaduai 15 lawih nia sawi hat hat a ni ta bawk.
A chanchin tarlannaah hian a lar chhoh dan te, rimawi zinkawng chhuk chho a zawh dan te bakah mi tam tak hriat châk a chhungte nena an inkar zawng zawng a pholang hneh hle tura ngaih a ni.
Grammy chawimawina hial pawh dawng tawh lehkhabu thar hi nikuma kum 13 chhung- engkim maia a pa ngeiin hreng bet a, pasal neih thlenga khapsak a nih hnu-a lo chhuak tur a ni. Hun rei tak a kawp tawh a bialpa Sam Ashari nena inhualna an nei tawh bawk nen, lehkhabu thar hi a pianpui a nau hmeichhia te bakah a hringtu a pa ngei tan pawh a tawrhhlelhawm hle tura ngaih a ni bawk.
Kum 2008-a rilru lama harsatna a neih hnu-ah a thil neih zawng zawngte bakah a sum leh nun thlenga a pa Jamie Spears-a’n thuneihna a neih vek hnu-ah hmuhsit a a nih dan ah leh enkawl a nih danah a thinrim a reh tak tak thei lova, a pa ngei pawh hian thubuai rip tak awrh ngei ngei a phu a ni, a ti.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427