Rimawi khawvela guitarist lar berte zingami Joe Satriani album 19-na tur, ‘The Elephants Of Mars’ chu April 8, 2022 hian tlangzarh a ni dawn ta a, hla thar, ‘Faceless’ ngaihthlak leh en theiha dahchhuah a ni tawh.
Kum 30 chuangzet khawvel hmun hrang hranga concert nei a, zinchhuak tawh Joe Satriani hi rimawi ngaina Mizo thalaite zingah pawh a mikhual lo hle a. ‘G3’ concert atang phei kha chuan a tla na lehzual a ni.
Tun thleng hian khawvelpumah album copy maktaduai 10 chuang tiral tawhin, solo albums hit tak tak a vawrhchhuak a. Platinum kai pahnih a awm bakah gold kai pali a nei. Grammy nomination 15 zet a hmu tawh bawk.
“The Elephants Of Mars” track listing:
- Sahara
- The Elephants Of Mars
- Faceless
- Blue Foot Groovy
- Tension And Release
- Sailing The Seas Of Ganymede
- Doors of Perception
- E 104th St NYC
- Pumpin’
- Dance Of The Spores
- Night Scene
- Through A Mother’s Day Darkly
- 22 Memory Lane
- Desolation