TECH TONIC
Lenovo Legion Y90
India pawisaa cheng 54,999 man ni tura beisei Lenovo Legion Y90 hi 6.9-inch E4 AMOLED (2,460×1,080 pixels) display- refresh rate 144Hz bakah sampling rate 720Hz nena thuam a ni.
Qualcomm kutchhuak thar ber Snapdragon 8 Gen 1 chipset chak tak a nei dawn a; tunmhnaia tih-chhuah Moto Edge 30 Pro, iQoo 9 Pro, Samsung Galaxy S22 series leh One Plus 10 Pro (China ah chauh) chhuak tharah te khan kan hmu tawh a, a chak fiai fiai hle. He chipset hi 18GB LPDDR5 RAM leh 512GB storage-in a tuam dawn e.
A hnung lamah dual rear camera system tha tak- 64-megapixel primary camera leh 13-megapixel ultra-wide-angle sensor dah niin, front camera/selfie hi 16-megapixel a ni bawk.
Beisei ang ngeiin, Lenovo Legion Y90 hi gaming bik deuh tana duan a nih angin connectivity option-ah pawh tunlai ber ber- Wi-Fi 802.11ax, OTG support, Bluetooth v5.2, leh USB-C ports pahnih a chhawm tel. Game khelh lai emaw regular taka hman lai hian haptic feedback atan dual X-axis linear motor a awm khiau mai a, a fuh khawp ang.
Lenovo Legion Y90 hian 5,600mAh battery leh 68W fast charging a nei dawn a, ngaihngam takin i hmang thei ang. Hetih lai hian gram 252 a rit leh a chhah lam 10.14mm ni bawk hi bân rêk na thin leh kut thahrui nei ngah vak lo tan khawih vel a nuam-zan lo thei. A rit a, a chhah bawk!