Russia chet dan demna richuah chuah mek karah zaithiam lar Sir Elton John chuan hun tihbaiawm leh harsa tak hnuaia awm mek Ukraine mipuite tan a thinlung chhun angin a na a, rilru na takin a awm mek, a ti.
“He buaina thleng hian thinlung a tikeh a, rilru a ti na em em a. heti ang hun thim tak hnuaia awm phu reng reng lo Ukraine mipuite ka thinlungin a hrereng a ni. Heti ang hun harsa tak karah Ukriane mipuite laka tharum thawhna leh tawrhna titawp turin kan ding a, kan ngen bawk,” tiin a sawi.
Ukraine-ah hian mihring maktaduai 44 chuang an cheng a; Russia leh European Union (EU)-inkar pawimawh takah a awm.
Europrean institution- NATO leh EU lama a awn mai hlauhthawngin tunhma atang tawh khan Russia hian mut mawh hnar mawhah neiin, a vil deuh chawt.
Putin-a’n khawthlang ramte hnen atangin Ukraine-in venhimna thila ram 30 inzawmkhawm NATO a zawm ngai dawn loh tih chianna a phut a, Ukraine-in sipai chakna nei lova, neutral state a nih a phut tel bawk.
US leh a thawhpui NATO ramte chuan hei hi an pawm thei lo thung.