US a football inelna league Major League Soccer chuan thla hnih chhungin player naupang ber record an nei a. Thawh\anni a kum 14 tling chiah midfielder Maximo Carrizo chu New York City FC in homegrown contract an ziahpui.
January thla khan Real Salt Lake chuan kum 14 leh ni 15 a upa Axel Kei chu contract an ziahpui tawh a, Carrizo hian he record hi a khum a ni.
Argentinian thisen kai midfielder Carrizo hi tun season-ah MLS Cup champion lai first team-ah training bak inrawlhna a neih beisei a ni lova. Mahse player naupang zawkte inelna tur MLS NEXT Pro League an dinthar ah NYCFC II tan mi pawimawh ni turah an ngai.
“Keimah leh ka chhungte tan pawh MLS chanchin a First Team contract nei player naupang ber ka ni tur hi thil lawmawm tak a ni a. He club hian thawktu \ha tak tak neiin ka chunga rinna an nghah ngam avangin ka lawm a. Nitin ka theihna lantir turin rim takin ka thawk ang.” tiin Carrizo chuan a sawi.
Carrizo hian kum 2027 thleng daih tur contract a ziak a, kum khat dang ziah belh nghal theihna a la awm bawk.