Zalenna puan champha lawm


March 1, Thawhlehni khan MZP Conference Hall-ah zalenna puan champha lawmna hun hman a ni.
March 1, 1966-ah khan MNF-in Zoram tan zalenna a puang a, chumi ngaihlututen a champha hi an hmang a, MZP-in an thleng a ni.
MZP President Lalnunmawia Pautu chuan MZP-in zalenna sualtute a ngaihsan thu a sawi a, zalenna sualtute hi thangtharten an ngaihsan zel a beisei thu a sawi.
1966-a zalenna puangtu sorkara defence minister, R Zamawia chuan Shillong-a Mizo zirlaiten hnam rilru an put thu leh an career chan huama ram leh hnam chhan tura an chhuah thu a sawi. Zalenna puan laia supply minister thin, H Thangkima chuan zalenna sualtuten hriat an la hlawh chu lawmawm a tih thu a sawi a, “Engtikah emaw chuan Pu Laldenga hoa kan thil tum kha a la hlawhtlin ka ring tlat,” a ti.
Zalenna puan laia brigadier general thin, R Sangkawia chuan zalenna sual lai chanchin a sawi a, “Ramhnuaia chhuak kan awm a, ram chhunga awm an awm bawk a,” tiin a sawi a, ramhnuaia chhuakte leh a chhuak ve loten zalenna an sual a, an tang tlang tiin a sawi.
He hun hi Lalmuanpuia Punte-in a kaihruai a, Lalthlamuana Ralte-in hunserh a hmang a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427