Chief Minister Zoramthanga chuan Kamrul-a tribal certificate paihsak chungchang chu ngaihtuah lai mek a nih thu house a hrilh.
ZPM Legislature Party member Dr Vanlalthlana’n a zawh belhna chhangin Zoramthanga hian Kamrul-a tribal certificate hi an en fel mek leh ngaihtuah mek a nih thu a sawi a. A endiktu committee-in a lehkhate lain, Kamrula tribal certifate chu paihsak tur a nih leh nih loh an en anga, chumi thutlukna an siam atangin hmalak a nih tur thu a sawi.
Kamrul-a tribal certificate hi an sorkar pek a nih loh thu a sawi a. “Contract hna a thawh tawhna pawh a rul tur emaw, a rul lo tur emaw tih lam chu keini rorelna a ni lo,” tiin, income tax chungchangah pawh committee-in a ngaihtuah lai mek a nih thu a sawi.