Maoist platoon commander, a lumana sorkarin Rs. nuai 3 zet a chhiar chu Thawhlehni zan tlai tawh takah khan venhim hna thawktute nen Dantewada, Bastar, Chhatisgarh-a an inbeihnaah thah a ni.
Police chuan inkahna hmunah hian pistol, improvised explosive device kg 5 leh ni tin mamawh thilte an hmu tih a sawi.
Inspector General of Police, Bastar range, Sunderaj P chuan inbeihna hi Thawhlehni tlaia thleng a nih thu a sawi.
“Inkahna hi Katekalyan police station huam chhunga Tumakpal khaw bul ram hnuaia thleng a ni a. District Reserve Guard (DRG) chuan hel beihpui thlakin Maoist-ten an lo kap hmasa a, an kap let ve ta a. Silai puak thawm a reh hian police-te hian ruang an hmu ta a ni,” a ti.
An chhui zuinaah Maoist an thah tak hi Lakhma Kawasi niin Katekalyan khuaa mi a ni.
“Kawasi-a hi CPI (Maoist)-ah hian Darbha division platoon commander niin a lumanah Rs. Nuai 3 chhiar a ni,” a ti.
Pathian ni khan Chhattisgarh police chuan Bijapur-a beihpui an thlaknaah Maoist hmeichhia pahnih an that tawh bawk.
He inbeihna hi Naimed police station huam chhunga Jabeli khaw bula thleng a ni a. 9 mm pistol leh ralthuam dang an hmu tel.