khawvelin an dem rawn karah Russian metal band SLAUGTHER TO PREVAIL’ chuan an ramin Ukraine a run chu an thinrim hle a, na taka demin, hun hrehawm leh mang-anthlak tak a ral thuai an beisei tih an sawi.
Russia rama khawpui lian palina Yekateringburg-a inkhuar Metal group hrâng tak hian social media kaltlangin, “Indo kan dodal! Kan band hi politics thilah engmah inzawmna kan nei lova, \an lam kan nei hek lo.
“Kan vai mai hian muan-awm taka khawvela chen duh vek kan ni a, khawvela remna leh muanna a awm theih nana hmala thin kan ni.
“Sipai chakna hman hi kan pawm thei hlawl lo. Nang leh i hmangaihte, i thiantha leh chhungte an him ngei theih nan kan tawngtai reng a, he hun hrehawm leh manganthlak tak hi a ral thuai kan beisei hle a ni,” tiin thuchhuah an siam.
Nimin piah khan Yekateringburg khawpuiah indo duh lo mi thahnem takte’n kawng an zawh a, Ural Federal Distric thuam chhunga khawpui lian bera thil thlengah hian police an inrawlh nghal vat a, mi enge emawzat an man.
Russia rama cultural leh industrial hmunpui berah hian an ramin Ukraine a run vanga dodal leh duh lo an tam hle.