Abramovich-a’n Chelsea hralh a tum

Chelsea neitupa Roman Abramovich chuan club hralh a tum thu Nilaini zan khan a sawi.
Russian sumdawng hausa Abramovich hian thuchhuah siamin a thutlukna hi a sawifiah a. Thutlukna siam harsa tak nimahsela hreh tak chunga a siam a nih thu a sawi.
Abramovich hi Russian president Vladimir Putin thlawptu leh inkungkaihna thuk nei an ni a. Inrinni khan Chelsea chu Russia in Ukraine a run avangin a hnuaia enkawltu turte kutah a hlan thu a lo sawi tawh.
He thutlukna avangin Chelsea hma hun in sawi zui a hlawh a. Abramovich hian a hralh mai dawn nia thu thang nghalin billionaire Hansjorg Wyss chuan Nilaini khan Chelsea lei tura zawrh a nih thu a sawi.
Abramovich hian Chelsea a leina leh enkawlna a leiba awmte chu club in a rulh ngai lova a kalsan tur thu a sawi a. Tin, club hralhna a\anga hlawkna awm zawng zawng chu Russia in Ukraine a runna tuartute tana hman a nih tur thu a sawi.

Chiang zawkin
Nilaini khan Swiss sumdawng Wyss chuan Abramovich hian British sorkar in a hausakna hrensak a nih hma in Chelsea chu rang taka tihral a duh niin a sawi a. Tun dinhmunah hian Chelsea hian lei duhtu nei tawhin Abramovich hian a man atan Pound tluklehdingawn 3 vel a beisei.
A thuchhuah siamah chuan, “He club tana \ha ber tur dah hmasa zelin thutlukna ka siam \hin a. Tuna kan dinhmun avangin club hralh turin thutlukna hi ka siam. Hei hi club bakah fans leh thawktu zawng zawngte, club sponsor leh thawhpuite tana \ha zawk tur a nih vang a ni.”
“Club hralhna hi rang taka kalpui vut vut theih a ni dawn lova, dan ang thlap a hralh a ni ang. Leiba awm ang angte club rulh turin ka dah dawn lova. Tin, club hralhna a\anga hlawkna awmte hi Ukraine a indona tuarte \anpuina atana hman turin ruahmanna ka siamtir tawh.” a ti.
Kum 2003 a Pound maktaduyai 140 a Chelsea leitu hian club a lei chhan chu sumdawnna vang a ni lova, club leh football a ngainat em avang a nih thu a sawi bawk.
Inrinni a Abramovich-a’n a hnuaia club enkawltu tura a ruatte chuan club enkawl mawhphurhna hi an lak a ngai dawn lo tihna a ni.
Abramovich-a thuchhuah siamah erawh Russia chetdan sawilanna a awm loh avangin mi tam takin a thiltih an la duhkhawp lova, Putin a la thlawp reng niin an ngai.

Eng nge a nghawng ang?
Abramovich hian club hi hralh tum mahse Premier League dan an zawm kim a ngai a, hmanhmawh takin a tihfel theih dawn lo. Hetilai hian UK sorkar in Russia a hrekna kawngah Abramovich leh Putin-a thlawptu dangte hausakna a hreng a nih chuan Chelsea pawh hi hralh fel lova hren tel theih zingah a tel thei dawn a. Hei erawh sorkar in a kalpui dan a zir a ni ang.
Chelsea hi Abrahmovich kuta a awmlaia hren an nih chuan club thui takin a nghawng thei dawn a. Player leina sum bakah an hlawh an pek dan tur contract a sum an sen dan tur thlengin thui takin a nghawng thei ang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427