Rocker leh midangte tanpuina kawnga penchhuak thin Jon Bon Jovi-a’n kum 60 a tling ta.
Rimawi khawvela band lar tak ni tura 1983 kuma Bon Jov din a nih khan New Jersey tlangval hian heti taka lar leh hmingthanna hi a tawngbua ang, tih reng a ring pha ngai lo. ‘Livi’n On a Prayer’ chu thalai te theme song a ni hial a, ‘Wanted Dead or Alive’ ni se, guitar perh tawh chuan sak chhuah a ni ngei ngei thin. A hun lai khan!
Kum 2018 ah an band hi Rock and Roll Hall of Fame-ah lakluh niin, a hla mal khaia rock mucic ngaina Mizo thalaite sak tam ber pawl ni thei tura an hma-lakna leh chetchhuahna hi kum tam a liam hnu pawhin nimin ang mai khan a la thar zel a ni.
Jon Bon Jovi hian ‘Soul Foundation’ dinin riltamna, retheihna leh chenna In nei lo sang tam takte tan tanpuina leh chhawmdawlna thahnem tak a kalpui mek zel a. New Jersey khawpuiah JBL Soul Kitchen hawng-in, chaw ei te’na donation an pek a, chaw eina man nei ve lo te tana malsawmna an nih theihna tura a kalpui vangte’n chawimawi leh fak a hlawh.
Kum lamah upa tawh mah se, hla thar leh music mawi tak chhawpchhuak chho zel turin a inpeih reng a, hla thar te pawh kan ngaithla chhunzawm zel ang.