BTS concert-ah kut ben, au vak vak leh din khap bur

Hripui len hnu-a an ram khawpui Seoul-a show an neih hmasak ber turah K-pop fan te tan lawmna tur a awm rualin, thinrimna tur pawh a awm dawn. Jamsil Olympic Statium-a BTS concert-ah kut ben, au vak vak leh din a rem dawn lo.
South Korea sorkarin Covid-19 dan khauh tak a kenkawh mek zulzuia kapui a nih dawn vangin BTS enkawltu Big Hit Music pawhin an zawm loh a thiang lo a ni.
Thuchhuah an siamah, ‘Ring taka lo au phurna ang chi te, au \e tuar tuar te leh din te hi ‘BTS Permission To Dance On Stage- Seoul’ ah khap bur a ni dawn a, sorkarin inkaihhruaina dan a siamah heng te khap tlat a ni,’ an ti.
Ministry of Culture, Sports & Tourism chuan zan khatah concert entu mi 15,000 aia tam a phal lova, mi 70,000 len theihna tur stadium-ah BTS tan pawh Army tam tak beisei theih a ni dawn lo. Big Hit chuan mipui thawm reh ruih tur ven nan remchanna dang siam a tum nia hriat a ni.
Hripui leng hi a reh hmak rih loh avangin \hut dan tur te pawh uluk leh fimkhur taka siam vek a ni a, harsatna a awm palh chuan show tih danglam emaw cancel thlenga kalpui theih a ni ang, tiin Big Hit hian an tarlang bawk.
Ruahman dan chuan March 12 leh 13 hian Seoul-ah show neih a ni ang a, an ram leilung ngeia hripui len hnu-a concert an neih hmasak ber tur a nih vangin BTS te pawh an phur.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427