Premier League champion Manchester City chu an mualah Portuguese club Sporting Lisbon chuan goal khung lovin chelh tluan mahse first leg-ah inkhel an dah\hat tawh avangin harsatna nei lovin Champions League round of 16 an paltlang.
Thla hmasa a first leg-ah City hian Lisbon-ah goal nga khungin hnehna an chang a. Etihad Stadium a inkhel \an a\angin Portuguese club hian an dinhmun hi thlak danglam theih an inbeisei lo tih an inkhel a\angin a lang.
City hi a zawna vawi nga UCL quarter-final an luhna a ni a. An manager Guardiola hian record dinglai tluk turin a vawi 12-na atan a thleng ve thung.
Sporting in an tlarhnung an hnawh hneh hle a, first leg anga mualpho nawn loh chu thupuiah an nei. Guardiola pawlten inkhelah ball an chan tam phah a, mahse an khingpuite tlarhnung hi an \hiat thei bik lo.
Raheem Sterling chuan City tana chance \ha ber a nei a, Phil Foden-a ball pass chu la in Antonio Adan pet khum a tum a, a sang tawk lo.
Second half \an tirah Gabriel Jesus chuan City tan goal khung mahse VAR hmanga endiknaah a offside avangin pawm a ni lo.
City hian goal hlauhawm mumal tak insiam harsat mahse an lamah hlauhawm a let tam bik lova. Minute 20 a la awmin an first choice goalkeeper chu thlakin third choice goalkeeper Scott Carson an luhtir a. Kum 36 mi hi tun season-ah City tana a inkhelh hmasak ber niin Paulinho lakah save a siam nghal.
City hian an khingpui tur March 18 a draw neih hunah an hre leh dawn a. Guardiola chuan an lakah beiseina sang tak a awm chu thil \ha a nih thu a sawi.
“Tun kum 10 chhungin hma kan sawn bek bek a, club a \hang a, hun rei tak chhung Champions League leh round of 16 thlen kha beisei a ni \hin a, tunah quarter-final ah kan awm a, Europe-ah a \ha ber pariat zingah kan tel leh tawh.” a ti a.
“Tun ang chin thlen tawh hi chuan tupawh hi khingpui hautak an ni vek tawh.” tiin an inkhelh leh zel tur a sawilawk.