Formula 1 season thar atana inbuatsaihna hun hnuhnung zawk chu Ningani khan an tlan \an a. Intlansiak neih hmasak berna tur Bahrain-ah neiin Bahrain International Circuit-ah team ten an car thar an enchhin.
Tun season-ah Formula 1 in technical rules thar a hman dawn avangin car an siamdan a danglam hlak a, hei vang hian team ten an car zirchianna hun an neih tam zawk nan vawi hnih pre-season testing hi neih a ni a. February 23 a\anga 25 chhung khan Barcelona-ah test hmasa an nei tawh a. Inrinni thleng test hnuhnung zawk hi an nei ang.
Ningani a sawi hlawh nghal tak chu Mercedes W13 car a ni. Bahrain-ah hian Mercedes in W13 car hi tidanglamin car khawl tidai tura boruak luhna ‘sidepods’ chu an ti te a, a pianhmang pawh thlakin a zuih chho zawngin an thlak.
Hei hian sawi zui a hlawh hle a, technical rules thar hnuaiah phal a ni dawn em tih hriat a la ni lo. Nimahsela testing neih hma a FIA in a enfiahna leh zirchiannaah chuan pawm lailawk phawt a ni.
Test ni hmasa ber chawhma hunah hian Ferrari car khalhtu Charles Leclerc bawk a tlanchak ber a, lap 64 a tlan zo.
Mahse pre-season testing hi chet\hat leh tlanchak tehna a ni lova. Team ten an car chak zawng an thup \hen zawk \hin.