National Health Mission (NHM), Mizoram hnuaia contract-a thawkten sorkarin an thil phut a tihhlawhtlin loh avanga lungawi lohna lantir nan nimin a\angin an hnathawhna hmunah badge dum an bel \an.
NHM Employee Union (NEUM) chuan sorkara thil phut hrang hrang an neihte chu March 3, 2022 ral hmaa tihlawhtling turin sorkar an phut a, an hun bi tiam a ral thlenga thu lawmawm engmah hriat an neih tak loh avangin an lungawi lohna lantir nan an hnathawhnaah nimin a\anga Ningani thleng badge dum an bel dawn a, badge dum an bel chhunga sorkar nena inbiakna emaw, an lungawina khawp thu an dawng lo a nih chuan March 21-23 chhung mass casual leave lak leh an tum a ni.
NEUM hruaitute chuan NHM hnuaia thawkte regular an nih theih nana sorkarin April, 2021 a\anga study group a din tawh tun thlenga an report hriat tur a la awm chu lo hriatthiam harsa an tih thu sawiin, hlawh regular taka an lak theih tawh tur thu health minister ngeiin a tiam chung pawhin nikum November thla hlawh an lak bak a hnu lamah hlawh an la la lo, tiin, NHM hnuaia thawkte ham\hatna tura sorkar ruahmante chu a taka dawn an neih ve loh thute an sawi.