aIZAWL: YMA, Bawrai branch, Zawlnuamin nimin khan Platinum Jubilee an lawm a. He hun hmanpuitu Sports minister Robert Romawia Royte chuan “Bawrai YMA Platinum Jubilee lawmpui nan sorkarin Bawrai Vengah Futsal, Basketball leh Volleyball khelhna tur Bawrai Integrated Sports Centre Rs. nuai 130 sengin a din dawn” a ti a. Kumin April-ah hna tan tum a nih thu a sawi bawk.
Robert Romawia chuan YMA chu ramriin a daidan ve loh khawvel Zofate zawmkh- awmtu pawl hlu leh pawimawh a nih thu a sawi a, a pawim- awhna a zual zel tur thu a sawi.
Headmaster a lo nih tawhna Govt. Bawrai H/S-a Computer zirna bakah Mizorama la hman lar loh Smart classroom system ICT deptt-in a din avanga lawmawm a tih thu Robert Romawia chuan a sawi a. Bawrai Veng chu Mizo hnam pum huap pawha mi chhuanawm, hla phuah thiam leh zaithiam lar Lallianmawia Pachuau leh mi ropui dang tam tak lo chhuahna a nih thu sawiin, thangtharte pawh tan la zela, Zoram timawitu ni zel turin duhsakna a hlan a. YMA Bawrai branch thnenah Jubilee lawmpuina sum bakah Computer set kim a pe bawk.
Nimin vek khan Robert Romawia chuan Zawlnuam Tourist Lodge complex-a Community service centre, Rs nuai 140 senga PMJVK scheme hnuaia sak tan mek lungphum a phum nghal a. Govt. Zawlnuam college-a ICT deptt leh NIELIT tangkawpin an din tur IT Skill development and training centre lung a phum bawk a ni.