Thawhtanni zan khan Champhai Kahrawt vêng Taitesena Section-ah chenna in pali chu bungraw engmah chuh hman lohvin a kang ral vek a, mihring thi leh hliam tuar an awm lo.
Champhai atanga thudawn danin, Thawhtanni zan dar 6:45 bawr vel khan Champhai Kahrawt venga K Lalbiakkunga in hnuaia vawk chaw chhumna atangin kangmei a chhuak a, kangmei chhuak hian K Lalbiakkunga in pahnih, Zothanglawra leh Biaksanga te chenna in chu a kang ral vek a ni.
He kangmei chhuakah hian vawk 16 a kang hlum a, in leh ran a kan chhiat hlut zawng hi Rs nuai 116 chuang man hu nia chhut a ni. In 4 kang hian a hliau palh hlauhthawn thu ah a bul hnaia in pahnih chu thiah a ni.
Kang mei a chhuak tih hriat a nih veleh Fire department leh mi tlawmngai te’n in kang hi thelh mih an tum a, dar 6:45 vela kang tan khan zan dar 8 velah chuan an thelh rem thei chauh a ni.