aIZAWL: Goa-a Mizo welfare-in hnathawk tur, eizawnna tur ngaihtuaha Goa-a Mizo chhuk ten buaina/har- satna/bumna an hna thawhna chungchang bakah an hlawh leh thildangah te an tawh loh na turin ruahmanna an siam.
Goa Mizo Welfare executive committee chuan chhungte phalna lovin tumah lo chhuk loh tur, kan hna zawm tur leh kan thawhna address kimchang takin chhungte hrilh ngei ngei tur, an ti a. Chhungte pawhin an fa ten eng hna nge an thawh tih an hriatpui ngei ngei tur a ni, an ti.
Goa an thlen atanga thlakhat ral hma ngeiin Goa Mizo Welfare hruaitute hnenah in report a, welfare membership fee pe ngei tura beisei an nih thu an sawi a. Documents : Original certificate ken ngei ngei tur a ni a, an thawhna turah an documents original tumahin theh- luh loh tur a nih thu leh document siamchawp tumahin hman loh tur a nih thu an sawi.
Appointment letter – an thawhna tur company atangin lak ngei ngei tur a nih thu leh lak loh chu hlawh chan theihna a nih thu leh hemi tello chuan dan anga thawhna a khin let theihloh thu an sawi. Resort, Salon leh Spa-a thawk tura sawmna dawnin, hlawh that vanga zawm ngawt loh tur a nih thu an sawi.
Goa-ah Mizoram House a awm loh thu leh tlanluh mai na tur engmah a awm loh ava- nga hna zawm hmain thawhna turah accomodation an provide em tih chian hmasak tur a nih thu an sawi a. Thiante bula awm tura inngaih ringawt loh tur a nih thu leh in luah an nih pawhin an Landlord-te nen agreement an siam loh chuan mikhual neih avangin inluahna atanga inhn- awhchhuah hial a thlen theih thu an sawi.
Institute/company manager/mimal agent kaltlanga hnathawk tur a chhuk reng rengin an hnathawhna tur, hlawh zat leh accommodation chungchangah an agent te nen intiamkamna nei thlapa an chhuk thin tur a nih thu an sawi a. Mimal/agent kaltlanga hna hmu ten bumna an tawh nasat thin thu leh an agent ten an hna- thawhna chungchangah eng harsatna pawh tawk se agent an nih angin an buaipui ngei ngei tur a nih thu an sawi.
Agent/institution te tana HRIATTUR. (a). Certificate Course sia- min thalai tam takte tan hna in hmuh sak ?hin a. A lawmawm em em rualin an zingah hna thi- am lo leh Hindi/English tawng thiam miah lo,mahni sum duh Vang ngawt in lo hruaithla tawh lo tur in kan in hriattir a ni.
(b). Institute/Agent ten thalaite hna in offer in an thawh tur dik tak in hriattir thin tur ani. An hnathawh na tur engmah hrilh chiang lo leh, hnathawh tur awm- zia pawh hrilh lo a lo hruai thla tawh lo tur in kan in hriattir e.
(c). Hna dil sak chung changah fimkhur tur leh kum tling lo/ over age leh qualification a tlinglo hi rawn thawn tel tawh lo turin kan in ngen e.
(d) Students te helai an lo thlen hnu a reject leh tamtak an awm thin a,chhungte hrilh ngam lo in mangang tak in tamtak an awm thin, he- tiang buaina hi a thlen tawh loh nan felfai tak a thil kalpui tur in kan in ngen bawk ani.
Goa-a buaina tawk tam ber leh Goa Mizo Welfare-in a lo buaipui thin ho te chu Welfare membership fee pe lo an ni tlangpui thin thu sawiin, Goa Mizo Welfare in a theih chin chinah a lo tuamhlawm thin thu an sawi a. Chutiang a nih avang chuan harsat lai ber pawha belh tur leh Mizo hnahthlak zawng zawngte tana ding, Goa Mizo Welfare a inziaklut vek tura an ngen thu an sawi bawk.