Chinese Foreign Minister Wang Yi chuan Zirtawpnia India tlawha zin a tum mek nia sawi a nih laiin Indian sorkar chuan tun hnaia Kashmir chungchang a sawi danah a khak.
Wang-a hian tun kara Pakistan-a hun a hmanna pakhatah India leh Pakistan ramte inchuh lai, Kashmir chungchang hi a sawi chhuak a ni.
Asia ram lian, nuclear ralthuam pawh nei ram pahnihte hi kum hnih kal taa Kashmir-a Ladakh-a an inrinaah, an sipaite an intihbuai vak a\ang khan an inmil lo zual a. Zirtawpnia Wang-an New Delhi a tlawh tur hi kha thil thlen hnua Chinese thuneitu sangin a tlawh hmasak ber a ni ang.
Thawhlehnia Pakistan-a Organisation of Islamic Cooperation (OIC) intawhkhawmah Wang-a hian Kashmir chungchangah hian ‘China chuan OIC duh dah a \awmpui’ niin a sawi a ni.
India rama Muslim tam zawkna hmun awm chhun, Kashmir hi India leh Pakistan hian a pumin an ramah an chhal ve ve a; mahse, tlem ve ve chauh an awp.
India hian a awp chin Kashmir-ah hian helho a do nasain OIC hian Kashmiri-te hian mahni kea din theihna chanvo an nei tiin India chet dan a duh lo thung.
Nilaini zanah khan Indian foreign ministry chuan, “India chuan Chinese Foreign Minister Wang Yi thusawi hi a duh lo hle,” a ti.
“Jammu & Kashmir Union Territory pum hi India ram chhung thil a ni a. Ram dang, China pawhin engmah lo sawi theihna chanvo a nei lo. India pawh an ram chhunga an mite chunga an thil tih danah a ngawi \hin tih hre rawh se,” a ti.
Indian sorkar hian Wang-a chuan Zirtawpni hian Foreign Minister Subrahmanyam Jaishankar leh National Security Adviser Ajit Doval te chu a kawm dawn a, an thil sawi tur erawh engmah hriat a la ni lo va, Ukraine buaina erawh an dawi rin a ni tih Reuters news agency a hrilh.
Chinese minister-in India a tlawh dawn nia sawi hi ruahman lawk sa a ni lem lo niin an sawi bawk.
Indian foreign ministry hian Ningani pawh khan Wang-a’n a tlawh tur chungchangah hian sawi engmah a la nei lo va. Chinese foreign ministry thupuangtu pawhin Nilaini khan engmah sawi tur an nei lo tih a sawi tawh.
China leh India hi kum 1962 khan ramri-ah an lo indo tawh a. June, 2020-a Himalaya tlangdung khawthlang lama sipaite intihbuaina, India sipai 20 leh Chinese sipai pali an thihna a thlen hnuah khan an inkar a chhe thar leh zual.
Himalaya-a an intihbuai bakah hian India hian a hmelma pakhat, Pakistan chu Beijing hian a pui niin a ngai a. Nepal, Bangladesh, Myanmar leh Sri Lanka-a sumdawnna lama China-in huang a zauh pawh a theih ang angin a do let ve bawk.