England striker hlui Jermain Defoe chuan kum 39 mi niin professional football a chawlhsan thu a puang.
Club football a West Ham, Tottenham Hotspur leh Rangers tan te pawh a lo khel tawh Defoe hian February thla khan a lo khelh tawhna \hin Sunderland a zawm leh a. Professional football a khelh chhungin club game 762 a\angin goal 304 a khung.
England tan vawi 57 a inkhel bawk a, goal 20 a khung hman bawk.
Kum 22 a inkhelh chhungin Portsmouth, Bournemouth leh Major League Soccer club Toronto FC tan te pawh a inkhel tawh.
Defoe chuan a chawlh thu hi puangin, “Thutlukna siam harsa tak a ni a, kum 1999 khan kum 17 mi niin professional football-ah bul ka \an a, tun hi ka tan chawlh hun a ni tawh.” a ti.
Striker pumraw lian ni lo, che rang leh fing Defoe hian Premier League-ah goal 162 a khung a, kum 1992-93 season a kalpui \an league chanchinah goal khung hnem ber pakuana a ni.
England a league sang ber a inkhel tam zingah 15-na a ni bawk a, game 496 a khel.
Kumin January thla tawpah Sunderland-ah a kir a, mahse League One a kaisan tum mek Black Cats tan hian tun \umah vawi sarih chiah a inkhel hman a, inkhel vawi hnih chiah bul a \an.
Jermain Defoe hi kum 2018 khan football pawn lamah khawtlang tana hna a thawh \hat avangin Order of the British Empire pek a ni a. Jermain Defoe Foundation kaltlanga hna a thawhin fak a hlawh.
“Football hi ka thisenah a bet tlat tawh dawn, ka football zinkawng ka thlirletin chhuan tham ka kalsan ve in ka hria a, ka hun hman danah ka lungawi hle.”
“Tunah chuan ka chhungte leh \hiante bulah hun tam zawk ka hmang thei tawh ang.” a ti.