NBA regular season a league hmahruaitu Phoenix Suns in player inhliam avangin tunhnaiah kim lo mahse harsatna an neih phah lova. Ningani zingah 125-116 in Minnesota Timberwolves an hneh.
Suns hian hnehna an chan avang hian Western Conference a Division pathum zinga an awmna Pacific Division-ah an sang ber chiang tawh a. Denver Nuggets nen an inkhelh huna an chak leh a nih chuan Western Conference a\anga seeded sang ber niin Playoffs-ah an khel ang.
Memphis Grizzlies an chak lo leh a nih pawhin seeded no.1 an ni chiang thei bawk.
Wolves lakah hian Deandre Ayton chuan point 35 a score a, NBA chanchin a inkhel vawikhat a point a score hnem ber \um niin rebound 14 a la bawk.
Devin Booker chuan point 28 a score a, Landry Shamet chuan point 19 a score bawk.
Wolves player pasarih in point 10 aia tam score mahse an chak zo lova, Anthony Edwards chu point score hnem ber niin 19 a score.
Los Angeles Lakers in an star player LeBron James an chhawr lohna inkhelah Philadelphia 76ers chu 126-121 in an hneh lova. Sixers tan Joel Embiid chuan point 30 leh rebound 10 a la.