‘Gay’ an nih vangin Fa lak (Adoption) phalsak tawh lo bur

Kum 75 mi Sir Elton John leh a pasal David Furnis te chu hmun pakhat an tlawhnaa fa lak an tumna chu phalsak an ni lova, an pahniha gay an niha chuan harsatna a siam.
‘Rocket Man’ hit siamtu hian David nen falak pahnih Elijah (9) leh Zachary (11) te an nei tawh chungin fa dang lak belh an la tum hle. Press conference an neih laiin mipa naupang pakhat nen an infiam vel a, ‘Kha naupang nen khan innngai hle mai a, fa atan lak i duh mai lo maw’ tia zawhna chu, ‘Tehreng mai’ tiin a chhang.
Heti chung hian Elton leh David te duhthusam tihhlawhtlinsak a ni lova, fa dang pahnih lak an tumna a tlawlh chiang hle.
“Gay ka nih vangin phalsak ka ni lo. Pahnih kan nei tawh a, tawk tawha ngaih anih laiin,m Ukraine mipa naupang ka hmuh khan fa dang lak leh ngei duhna rilru a lo awm nghal a, mahse a tak ram thlen theih a ni si lo a ni,” tin lungchhe takin ‘Dua Lipa: At Your Service’ podcast-ah a sawichhuak.
Sir Elton hi social ser-vice-a inhmang tak a ni a, khawvelin AIDS natna a hmelhriat tirha a vei te, mi tam takin an thinhrik laia thinhrik ve miah lova, an bula awm a, thlamuan a, titipui bawrh bawrh thin leh an tana sum tam tak thawkchhuak a, tanpui thin milar tak a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427