England captain Harry Kane-a’n an ram chanchin a goal khung hnem lamah captain ropui Sir Bobby Charlton a tluk a. Switzerland lakah goal khungin Three Lions in friendly inkhelah hnehna an chang.
Wembley Stadium-ah Tottenham Hotspur striker hian second half-ah penalty a\angin an chakna goal a khung a. England tan goal 49 a khung tawh.
Kane hian England record siam tluk turin goal li khung belh a la mamawh a, Manchester United leh Everton star Wayne Rooney a la um mek.
Lions an chak hram
Friendly inkhelah Gareth Southgate-a’n player enchhin nan hun a hmang a, tactic pawh thlakin tlarhnungah pathum a dintir.
A chhawr rim loh deuh zawkte tan hmun nghet chuh theihna hun a siam a, Marc Guehi leh Kyle Walker-Peters te an vawikhatnaah bul \an tir nghalin Tyrick Mitchell chu second half-ah a khelh tir bawk.
Switzerland in striker thahrui ngah Breel Embolo hmangin minute 22-naah goal an khung a. England tan goalkeeper Jordan Pickford che \ha lo se first half-ah goal an chhuah belh nual ang.
Halftime dawnah erawh Swiss lamin an khingpuite kawng hawnsakin Fabian Frei tihsual a\ang Luke Shaw-a’n goal mawi a khung a. Second half-ah Steven Zuber handball avangin England in penalty an chawi a, Kane-a’n goal-ah a khung.
England manager Southgate chuan a striker chu record siamtu a nih ngei a rin thu a sawi zui a. “Tuna a thlen china midang hming lam rik ngaite pawh hi ropui tak an ni a, chuvangin Harry hian he mellung hi a kai hunah chuan a lawm tak zet ang. A inkhelhdan leh thildangte han thlir hian record siam tura rinawm ber chu a ni mek.” tiin a sawi.
Catalonia-ah La Roja an chak
Spanish football team in Albania nen friendly an khel a. Dani Olmo goal mawi khung hmangin hnehna an chang.
Barcelona a RCDE Stadium-ah Spain hian an khingpuite hi an mikhual a. Spain a\anga indan duh Catalonia ah kum 18 chhunga an ram team inkhel an nghah hmasak ber a ni.
Spain in hun rei tak inkhel an thunun chungin minute 75-naah chauh goal an khung thei a. Substitute Yeremy ball siamsak chu Ferran Torres-a’n a khung a. Reilote hnuah Albania tan Myrto Uzuni chuan an si phurh sut mahse Olmo-a’n penalty area hmawr a\ang a pet kual lut mawi hle.
Inkhel zawhah, “Inkhel entu mipuiin inkhelh an ti nuam hle a, hnehna kan chang lai hmuh hi an phu. Kan thunun zawk a, inenchhinna \ha tak a ni.” a ti.
Germany tan Chelsea player pahnihte chakna hnar an ni a. Manager Hansi Flick hnuaiah a zawna vawi 8 hnehna an channa ni turin Israel 2-0 in an hneh.
PreZero Arena a inkhelah Havertz-a’n minute 36-naah an goal hmahruai a tauh lut a, corner a\ang goal khungin tun season-ah ram leh club tan goal 14 a khung tawh.
Substitute Thomas Muller chuan huntawp dawn lamah penalty pet goal lo mahse a pawi pha lova, halftime hma in Timo Werner-a’n an goal hnihna a khung.