AZL: Tun hnaiah Lunglei district-ah ruihhlo leh in rawk a hluar avangin Lunglei police-te chuan mi tin fimkhur turin an ngen.
Thuchhuah an siamah Lunglei police-te hian an district-ah ruihhlo, a bikin No. 4 a hluar thu leh ruihhlo khawihtu pawh an pung tih an sawi a. Mi tin an in leh a vela bungraw bo mai theite venghima enkawl kawngah fimkhur leh zual turin an ngen a ni.
Lunglei police te tar lan danin, pawisa a pung uma puk tir leh bungraw man advance-a pe, an pawisa pekte tlanbo daih \hin, mi bum tur zawnga teikual pawh an pung zel avangin mi tin fimkhur zuak turin an ngen bawk.
Tun hnaia Lunglei police-ten hma an lakna pahnih tar lang bawkin, March 23, 2022 zing lam khan mi sualin Lunglei venglaia Ebenezar Ortho Care chu rawkin, pawisa leh damdawi lam bungrua Rs 10,000 man hu vel an ru chhuak a. Hemi chungchangah dawr neitute chuan FIR an thehluh hnuah police-ten an chhui nghal a, March 25 khan dawr rawktu mi pahnihte chu manin, thubuai siamsak an nih hnuah hemi ni vek hian court-ah kalpuiin, jail-ah an thawn nghal.
March 24 zan khan Theiriat field bula company pakhatin an hnathawhna tura an hmanraw inchhawp, Wall Tiles box 20 (tile 240) chu mi pakhatin auto rickshow hmangin a ru a. A thil rukte Lunglei Ramthar Venga tihralna tur zawnga a phur thla chu police-ten nangchingin an man nghal a. Thubuai siamsakin jail-ah khung a ni.