India rama sumdawng pawlte (central trade union) chuan sorkar laipui kal dan (central government policy) hrang hrangte duh lohna lantir nan Thawh\anni leh Thawhlehni hian Bharat Bandh an huaihawt dawn.
Bandh neih tur hi bank-a thawktu, All India Bank Employees Association pawhin an thlawp dawn tih an sawi.
Ram puma sorkar policy hrang hrang dodalna lantirtu hi central trad union hrang hrangte inzawmna pawl chuan an huaihawt tur thu puangin, police-te hi kut hnathawk, lo neitu leh mipuite harsatna thlentu niin an sawi.
Bank union-te pawhin nawrhna hi an zawm ve dawn tih an puang a, sorkarin public sector bank-te mi mal kuta dah a tum leh Banking Laws Amendment Bill 2021 siam tharte chu an duh lo tih an sawi.
Bandh an zawm ve dawn avang hian ram chhunga bank lian ber, State Bank of India pawhin anmahni dawrtute tan Thawh\anni leh Thawhlehniah dawr theih an ni dawn lo tih an hriattir lawk.
Bank-a thawkte bakah hian steel, tuialhthei, telecom, lungalhtheih, postal, income tax, darsen leh insurance lama thawktute pawhin bandh hi an zawm ve dawn.
Railways leh defence lama thawkte pawhin zawm an tum a, hei vang hian hmun hrang hrangah harsatna a thlen phah rin a ni.
Roadways, transport worker leh electric lama thawkte pawhin an zawm ve dawn bawk.
All India Unorganised Workers & Employees Congress pawhin ram pum bandh hi an thlawp dawn a. “Kan hruaitu, Rahul Gandhi-a’n an thil phutte chungchang a sawi chhuak fo tawh \hin a. Unorganised & Employees Congress hian ziaka thlawp thu sawi mai lovin a takin kan zawm dawn a ni,” tiin an pawl chairman, Dr Udit Raj chuan a sawi.