Khawvela motorsport inelna lian berah kumin a champion inchuh tur an chiang a – world champion ni lai Max Verstappen-a lallukhum chu Ferrari driver Charles Leclerc chuan a chuhpui dawn. Hei hi Pathianni zana Jeddah Corniche Circuit a intlansiakah a lang chiang a. Car pahnihte inum zak zakna intlansiakah Red Bull car khalhtu Verstappen-a’n hnehna changin pakhatna a hauh a. Leclerc nen second chanve chauhin an inthlau.
Saudi Arabian Grand Prix-ah Red Bull car khalhtu hian a hma a awm Ferrari hi lap li tlan tur a la awmin a lehpel a, a tawp thleng Leclerc hian um letin Verstappen-a’n a dang tluan.
Driver pahnihte inumna a hmuhnawm a, tawngpawng tlanchak ringawt ngaihtuah lovin engtinnge hma an hruai hunah an chan an tih\hat theih dan tur an zawng ve ve a. Drag Reduction System hmanga tlan chak zual theihna lai chu hman remchan ve ve tumin intlan pelh tumna hmun nei bik rana an inum a pui.
Driver pahnihte an fal a, an hnungah Ferrari car khalhtu dang Carlos Sainz chu awmin Red Bull car khalhtu Sergio Perez chuan palina a hauh a. A hmasa ber a\anga tlan \an nimahsela Mexican driver a vanduaiah a \ang a, a car ke thlak hun a fuh loh a tuar.
Mercedes car khalhtu thar George Russell chuan pangana a hauh a, a teammate Lewis Hamilton chuan 15-na a\ang 10-na a hauh ve bawk.
Leclerc-Verstappen a pui
Kum 24 mi ve ve an ni a, Formula 1 an luh hma in mipa naupang an nihlaiin an pahnihin an lo inel fo tawh \hin. F1-ah pawh hmuhnawm tak taka inum an nei tawh \hin a, mahse tunhnai kum hnih chhunga Ferrari tlakhniam avangin an inel tak tak thei lova. Tun season-ah erawh car nei \ha pahnih an nih avangin champion inchuh an ni mek.
Bahrain-a intlansiakah Leclerc-a’n pakhatna a hauh a, Verstappen nen hian an inumnaah a fing zawkah a \ang a, a tawpah a hlawhtlin phah.
Tun \umah pawh Leclerc-a’n a finrawl a chhuah a, mahse Max-a’n a hrethiam tawh. Lap 42-ah Verstappen hian Leclerc a um a, Leclerc-a’n a inpelh tir. Hei hi lap 43 tlan \an tirhin DRS a nei dawn tih a hriat vang a ni.
Leclerc-a’n a pelh letleh hnuah tlan fal tum mahse kawng ngil a tlanchak zawk nei Verstappen-a’n a tlanfal tir lo hrim hrim a. Intlansiak tawp lamah Red Bull car in car tyre hard compound chu a ei hek loh zawk avangin an tlan chak zawk telh telh a. Hlawhtling zawkah an \ang.
Midangte?
Pole position chang turin Sergio Perez-a’n lap ropui tak a tlan a, second 0.025 chauhin Leclerc a pel.
Mahse qualifying-a a chet\hat a chhunzawm thei lova. A tir lamah Leclerc-a’n a nawr a, Red Bull lamin Ferrari ho ‘strategy’ chu dan tumin Perez hi lap 15-naah a ke an thlak tir.
Ferrari thil tum a hlawhtlin dan erawh an beisei dan ang lo a ni zawk a. Williams khalhtu Nicholas Latifi a chetsual avangin safety car tirhchhuah a ni.
Hei hi Ferrari bakah Red Bull car dang zawkin remchangah an la a, car ke thlak nan hmangin an lo chhuah leh chuan Perez hi palinaah a tan phah a, a tan hma hruai leh turin a hautak tawh.
An hnungah car thar la nei \ha tawk lo Mercedes khalhtu George Russell chuan pangana a hauh a, a hma a awmte um pha lo mahse a hnung amiten an tibuai pha meuh lo.
Hamilton-a’n a dawt chho mai dawna a lanlaiin Fernando Alonso leh Daniel Ricciardo te car chhia in a nghawng a, a car ke a thlak tum hun aia tlaia a thlak avangin 10-na a hauh.
An lawm
Verstappen chuan, “Intlansiak hmuhnawm leh hautak a ni. A hma lamah kan inumna a sang hle a, dawhthei zawk nih kan inchuh a ni ber. A kualah an tlanchak a, keini a ngilah kan chak zawk.”
“An tyre a ral chak avang khan a tawpah kan tlanchak thei zawk a. Kan season kan \an ve thei hi kan lawm.” tiin a sawi.