NBA team Cleveland Cavaliers in NBA Playoffs-ah tling chiang tura an beih mek laiin an team inhliam in a tibuai chhunzawm a. Thawhlehni zinga Orlando Magic 107-101 a an hneh \umin an rookie palian Evan Mobley chu a inkhel zo thei lo.
Mobley hi a inbilh avangin second quarter-ah lakchhuah a ni a, a inkhel chhunzawm leh tawh lo. A hliam hi enfiah nghal niin X-ray-ah ruh tliak leh hliam na tak erawh hmuh a ni lova. Vawiinah enfiah leh tur niin chawl rei lo tura ngaih a ni a, mahse eng chen nge erawh hriat a la ni lo.
Cavaliers hi Eastern Conference-ah pasarihna an ni mek a, 42-33 record nei mekin kum 1997-98 season hnuah an squad-ah Cleveland fachuam LeBron James tel lova regular season-ah tlawm aia chak an ngahna season hmasa ber an hmang dawn.
Tun dinhmunah ll-Star center Jarrett Allen chuan game 11 a khel lo mek a, Point guard Rajon Rondo, shooting guard Collin Sexton, veteran point guard Ricky Rubio leh forward Dean Wade te an inhliam mek.