Aizawl: Assam, Mizoram leh Manipur tlangmi, Barak lui kama chengte ei bar zawnna kawnga hmasawnna tur ngaih pawimawh a \ul thu Mizoram MP (Rajya Sabha) K.Vanlalvena’n sorkar laipuiah a thlen.
March 25, 2022-a parliament session neihah RS MP K Vanlalvena’n thu sawiin Assam ram chhung Barak luia National Waterways No. 6, Bhanga a\anga Bangladesh ram hrul paltlanga Lakhipur pawhtu km 121-a thui, tui kawng chu Assam bakah Manipur leh Mizoram te nen an chhawr tlan theih dan tur te, Barak lui chho luan Lakhipur a\anga km 100 vela hlaah Tipaimukh junction chu Mizoram leh Manipur ramri hnaih a nih avangin awlsam tea kum tluanin Bay of Bengal thlen theih a nih thu a sawi.
Tipaimukh junction thlenga National Waterways No. 6 tuikawng sial turin Union Ministry of Ports, Shipping & Waterways Sonowal a ngen a ni.
K Vanlalvena hian Mizoram sorkara tranport department pawhin ministry-ah rawtna a thlen tawh tih a sawi a. Hei hi tihpuitlin a nih chuan Barak lui hrula chengten nasa takin tuikawng hi an chhawr \angkai theih dawn avangin hma la turin a ngen bawk.