MDC thlan tura final electoral roll tlangzarh

Aizawl: Siaha District Election Officer leh district bawrhsap ni bawk, Lalsangliana’n nimin khan Mara Autonomouse District Council hnuaia MDC inthlan lo awm tura hman tur final electoral roll a tlangzarh.
Lalsangliana hian final e/roll tlangzarhnaah thu sawiin inthlanna thianghlim leh fel fai nei tur chuan e/roll a\anga bul \an \hat a pawimawh tih a sawi a. Electoral roll buatsaih kawnga thawktu hrang hrangte chungah lawm thu sawiin, tlawmngai pawl te, political party aiawh te, BLO leh VC member te bakah sorkar official te nen \ha taka thawhhopuiah a sawm a ni.
MADC hnuaiah hian MDC constituency 25 awmin, polling station 81 a awm a. January 1, 2022 qualifying date hmanga buatsaih final e/roll tlangzarh takah hian mipa voter 20,366 leh hmeichhe voter 21,960 awmin, vote nei zawng zawng hi mi 42326 an ni.
Voter tamna ber constituency chu 23/Siaha East-II niin, voter 2808 an awm a. Voter tlemna ber constituency chu 15/Amotlah a ni a, voter 1049 an awm thung. Voter tam ber leh tlem ber inthlauhna hi 1759 niin, hei hi constituency 19 a voter-te aiin a tam zawk a ni.
Ngun taka endik a nih hnuah draft e/roll a\angin voter 1398 paih (deleted) an ni a, voter 712 thun belh (added) an ni thung. Final e/roll hi draft e/roll aiin voter 686 in a tlem zawk a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427