Atlanta Hawks chuan nikumah Conference Finals thleng mahse tun season-ah hnung tawlh zawngin season an hmang a. Mahse NBA Playoffs khelpha tur zawnna Play-in Tournament a la tling pha turin beisei an la nei.
Hawks hian Thawhlehni zingah Indiana Pacers 132-123 an hneh a, Pacers tan Play-in beisei tur a awm tawh lo. Hawks hi Eastern Conference-ah 10-na an ni mek.
Gainbridge Fieldhouse-ah Hawks tan Bogdan Bogdanovic chuan point 29 a score a. Clint Capela leh Kevin Huerter ten point 22 ve ve score in Capela hian rebound 15 a la.
Hawks tan point guard Trae Young chuan point 14 a score a, assist 16 neiin tun season a inkhel a assist a ngah ber \um a hmang.
Hawks coach Nate McMillan chuan, “Trae khan dawhthei takin a khel a, Pacers in dan beh tlat an tum avangin a teammate te hnenah ball a sem zel a, anni in an lo luh zel avangin Trae-ah chauh an insawrbing thei lo.” tiin inkhel zawhah a sawi.
NBA regular season-ah conference pahnih a\ang a sang 10 in NBA Playoffs atan hmun an chang chiang nghal a. Pasarihna a\anga 10-na thlenga awm team in Play-in Tournament an khel a, heta \ang hian team pahnih in Playoffs-ah 7th leh 8th seed nihna an chang ve thung.