Barcelona president Joan Laporta chuan nipuiah an squad tichak turin player lakluh tur pahnih an tifel tawh niin a sawi a. Andreas Christensen leh Franck Kessie te nen sawizawm an nih hnuah player pahnih inremna neihpui an nei tawh ni awm takin zawhna a chhang.
Chelsea defender Christensen hi tun season zawh ruala contract hmang zo tur a ni a. A club lamin chelh an duh a nih pawhin contract thar an zawrh thei rih lova, club neitu Roman Abramovich chu UK sorkar in an hrek hma a\ang tawhin club leh player-te hi inremna ziak tawh lo tura ngaih an ni.
AC Milan midfielder Kessie pawh tun nipuiah contract zo tur a ni a, ani pawh hian Milan contract zawrh a lo hnawl fel tawh.
Chiang zawkin
Barcelona hian sum lamah harsatna an neih avangin player man a sum seng \euh si lova player lakluh theih tur an dap ngawrh hle a, Christensen leh Kessie te nen sawizawm an ni.
Barca president Laporta chuan an pahnih chungchang zawhna chhangin, “Player contract zo tur pahnihte nen inbiakna kan tifel tawh. Pakhat midfielder a ni a, pakhat centre-back a ni thung. An hming erawh ka la sawi thei lo.” a ti.
Traore lak ngheh a duh
Barca hotupa hian Wolverhampton Wanderers a\anga loan a an hawh Adama Traore chu an beisei ang taka a chet\hat avangin lakluh ngheh dan an dap tih a sawi.
Kum 26 mi hian a chawr chhuahna club-ah a kir leh hnuah an tan match 10 khelin midang goal khung tur vawi li a siamsak tawh.
Laporta chuan Traore chungchang hi sawiin lalut nghet tura sum tam seng lovin player inthleng anga kalpui theih a beisei thu a sawi a. Wolves hian tunah Francisco Trincao chu loan in an hawh mek a, “Adama laka kan hmuhah kan lungawi hle a, Francisco Trincao nena inthleng hi thil \ha tak a ni in ka ngai.” a ti.