Rajasthan-a Alwar district-a awm, Sariska Tiger Reserve ram chu Pathianni tlai a\ang khan a kang vak a, sq km 10 vel zet kang tawhin a \helh hna hi sipaite pawhin an thawhpui mek.
Mei hi Pathianni tlai leh Thawh\anni tuk a\anga in\an kha niin a lan dan maiah chuan thunun a la har rih niin District Forest Officer Sudharshan Sharma chuan Thawhlehni khan a sawi a. Sipaite chu pui turin an ko niin a sawi.
Indian Air Force (IAF) chuan Mi 17 V5 helicopter pahnih tir chhuakin Bambi Bucket an phur tel a, Alwar district thuneitute a\anga ngenna an dawn anga che chhuak an ni.
Sharma chuan kangmei hi sq km 10 vela zau ni tawhin thunun tuma theihtawp chhuah a nih thu a sawi.
“A kan nasat zualna lai hi hmun sang lai a ni a, kangmei \helhna hmanrua ken chhoh a hautak hle a. Tunah hian kutlawng leh chopper-in tui a phuh chhuah hmang chauhva \helh a ni,” tiin forest officer chuan a sawi.
Helicopter pahnih thawk chhuak chuan Thawhlehni tlai thleng khan vawi riat vel tui an leih tawh.
Forest department chuan a bul hnaia awm khaw parukte chu inring tur leh ramhnuaia kal rih lo turin an ti a. A kanna bul lawkah hian a hma lawkin sakei nu leh a note pahnih hmuh a ni a, heng mite hi an him loh hlauh a ni hman hle a; mahse, a hnuah an him tih hriat a nih thu forest officer chuan a sawi.
Reserve chhunga Baletha vela ram kang hi Rodkela, Narandi, Kalakadi, Katighati leh Naharsati-ah a kang kai tawh a, heng hmunah hian thing a rovin mau a tam a, a kang chak hle.
Kangmei chhuah chhan hi hriat theih a la ni lo va. “Mi 200 chuangin an \helh mek a. Tlanga kang a nih avangin a harsa a, meikhu leh khua a tam bawk avangin a khirh hle,” tiin Sharma chuan a sawi.
Forest department-a hotute chuan a bul hnaiah hian sakei nu, ST-17 leh a note pahnih an awm tih an sawi a. Heng sakeite hi March 26-a hmuh kha an ni a. Sakei pahnih dang, ST-20 leh ST-14 te pawh heng lai vel, Rodkela forest block-ah hmuh an ni \hin bawk.
Sharma chuan sakeng tang an awm loh thu leh ST-17 hi chhuia a him thu a sawi a. ST-20 leh ST-14 pawh tun dinhmunah helai vela an awm loh lai tak niin a sawi bawk.