Aizawl: Minister of state, sports, tourism leh ICT changtu, Robert Romawia Royte-in nimin khan Delhi-ah Union Minister of State for Steel Faggan Singh Kulaste hmuin, Mizoram sorkarin steel ministry a\anga sports infrastructure siam a rawtnate a sawipui.
Robert Romawia chuan DoNER Secretary Lok Ranjan pawh hmuin DoNER hnuaia NESIDS guidelines-in sports infrastructure a huam lo chu sorkar laipui tihsual lian tak a nih thu hrilhin, guidelines chu siam \hat thuai a rawt a. Scheme of NEC-ah ‘state chhunga a hnufual laite ngaih pawimawh tur’ tih a nih anga Mizoram hnufual lai tihhmasawnna tur project-te sawipui bawk.
Nimin vek khan Robert Romawia chuan Union Finance Secretary TV. Somanathan pawh hmuin Mizoram chu a bika puih tlak a nih avanga hre reng turin a ngen a. Finance secretary chuan finance ministry-in central special assistance to states for capital expenditure sum a pek tur chu chak taka Mizoramin a hman theih chuan ‘additional’ pek theih a nih thu Robert Romawia chu a lo hrilh.
Robert Romawia chuan Niti Aayog hotute pawh kawmin sports leh tourism tihhmasawnna tur project an kuta awmlai mek chu tifel rang turin a ngen a. Niti Ayog hotute pawhin tihbelh ngai laite lo hrilhin, Mizoramin a tihbelh ve leh an lo pawmpui mai tawh tur thu an lo hrilh a. Ministry of youth affairs & sports-a official-te pawh kawmin, power ministry hotute pawh Mizoram tourism tana bus lei dan turte a sawipui bawk a ni.