Mizoram pollution control board (MPCB)-in nitin khaw- sakna a tel lova awm theih loh plastic te zirchiang tura inrawnkhawmna nimin khan a buatsaih a, a kaihhnawih sorkar department hrang hrang aiawhte, Environment lam kaihhnawih NGO aiawhte an tel.
Vawikhat hman da- ih tawk plastic (single use plastics) te chu plastic wastes management rules 2021-in siamchhuah, hman leh hralhte a khap tak avangin Mizoram sorkar pawhin hetiang chi plastic te tibo tura hmalakna tur a duang tawh tih MPCB thu- chhuahin a tarlang a. Nimina inrawnkhaw- mna pawh sorkar ruahmanna bawhzuina a nih thu an tarlang.
He inrawnkhaw- mna hi MPCB member secretary, State special task force-a Secretary ni bawk C. Lalduhawma’n a kaihhruai a. Kalkhawmte chuan MULCO baw- nghnute pack-na te, Dahi bur te, thlai tih tiahna poly bag-te chu a thlakna la awm mai lo a nih avangin hman phal zinga telh zui rih rawtin, “Extended pro- ducer responsibility hnuaiah an plastic semchhuahte chu lalet leh thung se” tiin kalkhawmte chuan rawtna an siam.
MPCB thuchhuah- in a tarlan danin sor- kar laipui chuan vawikhat hman daih sarang lam chi te chu kumin chhunga tibo vek turin thupek a chhuah a. Nimina inrawnkhawmnaa tel te chuan sorkar laipui duh dan tipuitling turin theihtawpchhuaha mipui tanhona a pawimawh dawn tih an sawi hlawm a ni.