Saudi Arabia chu Oleksandr Usyk leh Anthony Joshua rematch thleng tura thlan theih a nih thu Usyk-a promoter Alexander Krassyuk chuan a sawi.
Nikum September thla khan Usyk hian British boxer Joshua hi hnehin WBA, WBO leh IBFheavyweight title te a chhuhsak a, unified heavyweight champion a ni mek.
Joshua hian rematch nei turin inremna an neih chu a hmang a, May thla tinzawn a nihlaiin Usyk hi Russia in an ram an run avangin beilet turin sipai-ah a inpe a. Hei vang hian June thla an tinzawn.
Kum 35 mi hian March 23 khan training nei \an turin an ram a chhuahsan tawh.
Krassyuk chuan, “June thla tawp lam kan tinzawn a, tihfel tumin hma kan la mek. Engmah erawh tihchian a la ni lova, Saudi Arabia hi thleng thei tur zinga awm ang ber an ni mek. Duhthlan tur dang erawh a awm tho.” tiin a sawi.
Saudi Arabia hi human rights record an neih chhiat avangin sawisel an ni \hin a. Sum tam tak senga khawvel infiamna an rama lakluh an tum \hin chu hmaiphih tumnaah an ngai.