Ukraine buaina: Engvangin nge India-in Russian tuialhthei tam zawk a lei?

India-in khawi atangin nge tuialhthei a lak luh?
US leh China dawtah chuan India hi khawvela tuialhthei hmang tam ber ram an ni a, a hman ral zawng zawng zinga 80% chuang mah hi ram dang atanga a lak luh a ni.
Kum 2021 chhung khan India chuan Russia atang hian tuialhthei barrel maktaduai 12 vel a la lut a, tam hle angin lang mah se a lak luh zawng zawng atanga chhut chuan 2% emaw chauh a ni thung.
India hian tuialhthei a lak luhna ber hi Middle East ram a ni hlawm a, heng bakah hian tam tham deuhva a lak luhna chu US leh Nigeria a ni.
January leh February thla chhung khan India chuan Russia atang hian tuialhthei a la lut miah lo.
Mahse, tunah hian inremna (contract) ziak felin March leh April thla chhung hian a la lut teuh dawn a, barrel maktaduai ruk zet phei chu India-ah hian phurh thlen a ni tawh niinni tin mamaeh chevel viltu, Kpler chuan a tar lang.
Indian sorkar chuan Russia atanga tuialhthei a lei belh zel dawn a nih chuan a man nasa taka a hniam a, a hlawm liana lak theih a nih bawk chauhvin a nih tur thu a sawi.

India tana remchang
Ukraine a rûn atang kha chuan Russia hian a ram chhung, Ural atanga tuialhthei thlitfim loh leisaktu a nei tlem sawt hle a, a man pawh nasa takin a tlawm phah.
“India hian a leisakna man zat chiah kan hre lo va; mahse, Ural-a tuialhtheite hi Brent crude (global benchmark) atanga a lan dan chuan kar hmasa khan barrel-ah $30 chuang awrh chauh a ni,” tiin Kpler-a an mi thiam, Matt Smith chuan a sawi.
Ural leh Bench tuialhthei thlitfim loh mante hi a nih dan pangngaiah chuan a man inang thin a ni.
Hetih lai hian March thlaah pawh Ural-a mite hi a man a hniam zawngin a la kal reng tho va, a man an inthlauhna hi a san lai ber a ni nghe nghe niin Smith chuan a sawi.
“Hetiang a nih avang hian India leh China ramte hian Russian tuialhthei hi man tlawm zawkin an lei nual a rinawm hle,” a ti.

Remchang kara buaina
Man tlawm zawkin Russia tuialhthei lei thei mah se India tana buaina lian tak a awm mek ve tho va, Russian bank-te hrek an nih miau avangin pawisa inpek a buaithlak.
India-a tuialhthei thlitfimna (refining company) liante chuan man tlawma leina tur pawisa pek an harsar mek a. Khawi lam ve ve atang pawhin pawisa inthawn kual a harsa hle.
Financial analysts Bloomberg chuan India atanga Russia-a thil thawn chhuaktute an pawisa dawn tur, Russian bank-te hrek an nih avanga an la hmuh si loh chu $ maktaduai 500 vel zet a la awm niin a sawi.
India tana remchang ber chu anmahni pawisa ve ve inpek tawn a ni mek a. Dollar emaw, euro emaw hmang lovin India atanga thawn chhuaktuten Russian pawisa, rouble-a an pek a ngai.

India tana tuialhthei chawk luh theihna dang?
India hian February thla atang khan US atanga tuialhthei a lak luh a tipung nasa hle niin Refinitiv-a analyst-te chuan an sawi.
Hetih mek lai hian market analyst-te chuan US-in Ukraine a rûn avanga Russia a hrek mekah an hnen atanga tuialhthei a chawk luh thin a tihtawp rih tak avangin a ram chhunga a laih chhuahte chu ama tana a dah khawl ve a ngai dawn a, hei vang hian India hi US ramah hian a innghah reng a remchang dawn lo niin an sawi.
India tana kawng dang awm leh chu Iran nena an insumdawn tawnna a lo tihtawp tawh tinunga Indian oil refiner-ten an tuialhthei an leisak a ni a. Ram hnihte hi rei tak indawr tawh ni mah se kum thum liam taa US-in Iran a hrek thar leh atang khan a titawp rih leh mek a ni.
Iran atanga chawk luh thar leh erawh a beiseiawm loh viau niin mi thiamte chuan an ngai a. Iran a dawr thar leh dawn a nih chuan a nuclear programme avanga ram tam tam tak kawmserh a nih avangin ram dangte rawna inremna siampui a ngai dawn a, a buaithlak hle dawn niin an ngai.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427