Russia chuan Ukraine hmar lama an sipai an chettir chu a tinep tawh a, heng zingah hian an khawpui, Kyiv bul hnai pawh a tel tih a sawi.
Istanbul khawpuia ram pahnih indo mek aiawhte inbiakna chu Thawhlehni khan neih niin hei hian rah \ha tak a chhuah niin Moscow lam aiawha tel chuan a sawi bawk.
Russian Deputy Defence Minister Alexander Fomin chuan, “Inremna tura indawrna a kaltluang a, thutlukna pawh a tahtawla siam niin Kyiv leh Chernigiv chhehvela sipai chetna pawh tihtlem zel a ni,” a ti.
Ram pahnih inbiaknaa a hruaitu ber, Vladimir Medinsky chuan ‘inbiakna awmze nei’ tak an neih thu leh Ukrainian-ten an duh chu Russian President Vladimir Putin biak a ni.
Ukrainian leh Russian aiawhte hi Thawhlehni khan chawlhkar hnih hnua a vawi khat nan hmaichhanah an inbe leh a ni.
Russian foreign minister chuan Ukrainian President Volodymyr Zelenskyy leh President Vladimir Putin te hmaichhana an inkawm chu tun dinhmun atana thil \ha a ni thei tih a sawi a, inbiak hi Ukrainian hruaitu hian a hma a\anga a duh tawh a ni.
Hetih lai hian Zelenskyy chuan khawthlang ramte chu na zawka Russia hrek belh tur leh an tuialhthei hralhnaah pawh hrek belh turin a ti.
Turkey-a ram pahnih aiawhte inbe tura an inbuatsaih mek lai pawhin Ukraine ram chhung hmun hrang hrangah chuan Thawhlehni tuk khawvar dawn a\angin siren a ri tawh.
Ukraine military general staff chuan Russia hian missile leh bomb hmangin an khawpui liana in leh mihring chenna te a bei zui reng niin a sawi.
Ukraine hian Kyiv khawpui bula Irpin chu an la let leh tawh niin a sawi a. United States thuneitu pakhat pawhin khawchhak lama Trostyanets khua, Sumy khawpui chhim lama mi chu Ukrainian kutah a awm leh tawh niin a sawi.
Russian sipai, Chernobyl nuclear hmun thununtute chuan radiation laka invenna tel lovin a hmunhma hi an luah nasa hle bawk.