India hmarchhak state hrang hrangah April 1 (Zirtawpni) thleng ruah tam tham tak sur bakah \ek tla leh thli, darkar khata km 50 thlenga chak a thawk thei dawn niin earth sciences ministry chuan nimin khan a puang.
“Bay of Bengal chhim lam chuan hnuaia boruak inmung mek chak tak avangin hmarchhakah hian Thawh\anni a\anga Zirtawpni thleng hian zau takin ruah sur leh \ek a thawk thei dawn a. A vang lai hi Thawhlehni leh Nilaini a ni ang,” tiin ministry-in thuchhuah a siamah a tar lang.
“Thawh\anni leh Ninganiah leh Thawhlehni leh Nilaini hian ruah tam tak Assam chhim lam, Meghalaya, Tripura leh Mizoram hmun \henkhatah ruah leh \ek a thawk thei a. Arunachal Pradesh hmun \henkhatah pawh Ningani hian a thawk thei bawk,” an ti.
Assam chhim lam, Meghalaya, Tripura leh Mizorama Thawhlehni leh Ningani inkara ruah sur tur hian lei min leh hmun hniam deuh laia tui lian a thlen thei dawn niin ministry chuan a sawi lawk a. Thli thawk tel thei pawhin thlai chinna hmun bakah khawlaia mihring leh ransate a tina thei dawn niin an sawi bawk.
Chhiatna thlen thei a nih avang hian mipuite chu in chhungah awm turin a ngen a. Tukverh leh kawngkapui khar \haa a theih chuan zin chhuah pawh ti rih lo turin a chah. Electric hmang chi thil pawh hmang tam lo tur leh lo lamah pawh mi feh rih lo turin a ngen bawk.