Aizawl District Volleyball Association chuan Zirtawpni khan Hlimen Park-ah ADVA Super League Closing Function Cum Jersey Release an hmang.
He hunah hian ADVA Super League a tel mipa club 10 leh hmeichhe team palite hnenah lawmman sem a ni a. ADVA mipa leh hmeichhe team jersey tlangzarh a ni nghal.
Khuallian Lianzela, MCS chuan Super League kallai chu hripui avanga hmawrbawk a ni thei ta lo chu pawi a tih thu a sawi a. Club-te leh player-te hnenah hnual phah lova \an la sauh sauh turin a fuih.
April thla hian Hnahthial a buatsaih tur Inter District Volleyball Tournament-ah champion ngei tura inbuatsaih chhunzawm turin a ti bawk.
He hunah hian Mizoram Volleyball Association General Secretary Lalrokhuma chuan team pahnihte off shirt tlangzarhna a nei ve bawk.