GIG Motors 20th MFA Cup semi-final vawiinah khelh a ni dawn a. Mizoram Football Association hnuaia district hrang hrang aiawh club-te inelnaah Aizawl, Champhai, Serchhip leh Lunglei a\anga kalten final luh an inchuh dawn.
Zirtawpni khan group match hnuhnung ber khelh niin Hnahthial District a\anga tel Electric FC leh Siaha FC an inkhel a. 5-1 in Electric FC chak zawk mahse an tling zo lova. Point li hmu FC Serchhip Kawnpui chu Group C a\angin an tling.
Semi-final hmasa zawkah Champhai a\anga tel FC Vengthlang North leh Lunglei a\anga kal Chanmari FC te an inkhel anga.
Chawhnu dar 2-ah Aizawl team Kanan FC leh FC Serchhip Kawnpui te an inkhel ang.
GIG Motors 20th MFA Cup hi Saitual District in an thleng a, Keifang Centenary Football Field-ah khelh a ni.