NBA champion lai Milwaukee Bucks star player Giannis Antetokounmpo chuan Zirtawpni zingah mellung thar a kai a. Bucks team chanchin a point score hnem ber record a siam.
Kum 27 mi Giannis hian Brooklyn Nets lakah 120-119 a hnehna an chan \umin point 44 a score a. NBA legend leh Hall of Famer Kareem Abdul-Jabbar record siam a khum a. Milwaukee tan point 14, 216 a score tawh.
A record siamna inkhelah tunhnaia a inkhel ang bawkin Giannis a che pui leh hle a. Second 18 a la awmin 3-points lutin over-time khel turin Nets nen an point a inang chiah a. Overtime ah hnehna an chang ta zawk.
Antetokounmpo hian field goal vawi 21 a\anga vawi 14 a lut a, minute 39 a inkhelh chhungin free throw vawi 19 a\ang vawi 15 a lut. Rebound vawi 14 la in assist vawi ruk a nei bawk.
Antetokounmpo hian tunhnaiah a vawithumna atan NBA Most Valuable Player dawng tura rinkai a nihna chhan chiang takin a lan tir a. Tunkarah Eastern Conference team \ha Philadelphia 76ers lakah point 40, rebound 14, assist vawi 6 leh block vawi thum neiin a team hnehna a chanpui tawh.
Team in an mamawh hun taka a che \ha \hin hi fak a hlawh fo chhan a ni \hin a, tunah erawh mak tih pawh a hlawh tawh lova, ngaiah an nei tawh niin Bucks guard Jrue Holiday chuan a sawi.
“MVP ni ngei tur a ni. Giannis hi Most Improved Player chawimawina pawh dawng tlak ni tur khawpin hma a sawn a, mahse a theihna hi a san tawh em avangin he chawimawina hi a dawn theih pawh ka ring lo.” tiin a teammate a fak.
Bucks coach Mike Budenholzer chuan, “Kareem Abdul-Jabbar hi kan league chanchin a mi ropui a ni a, chuvangin Giannis-a’n a pel thei lai kan hmu thei hi thil ropui tak a ni.” a ti.