Red Hot Chili Peppers (RHCP) band chu Hollywood Walk of Fame-ah lakluh an ni ta a, kum 40 zet rimawi khawvela tal tawh tan hun chhinchhiahtlak a tling.
Tuna line-up- Anthony Kiedis (vocal), Flea (bassist), Chad Smith (drummer) leh guitarist John Frusciante te hiian Hollywood Boulevard, Los Angeles-ah history ropui tak siamin, khawvelpuma album copy maktaduai 80 chuang hralh tawhte hian an hlawhtlinna an nemnghet chiang hle.
‘Under the Bridge’ hla hit thlawhtute ni bawk rocker te hi chawimawi an nihna hmunah member kimin an tel thei a, bassist Flea chuan, touris spot lar leh tlawh hlawh tak thler mawi tak maia star hmanga nemkai an ni chu lawmawm a tih thu leh he kawtthler hi mimal tak pawha inthenhrang thei an nih loh thute a sawi bawk.
Red Hot Chili Peppers te hi Hollywood Walk of Fame lakluhnaa star 2,717-na chiah an ni a, Zaithiam te beisei leh duhthusam thlenna hi ‘Scar Tissue’ hla hit puitute ni bawk RHCP hian icon dang- Marilyn Manson leh Judy Garland te bakah an ngaihsan em em Queen leh The Beatles band hnung an zui ve ta a ni.